Eth projècte

Pensam Futur Debatem Futur Escriuem Futur

I a un ample consens ena societat catalana entà superar eth marc autonomic actuau. En responsa ad aguest besonh, Debat Constituent prepausam desvolopar un procès participatiu transversau, inclusiu e plurau entà pr'amor qu'eth conjunt dera societat civila debate sus toti es encastres constituents entà establir es bases constitucionaus entath futur politic de Catalonha.

Eth resultat d’aguest procès se trasladarà as fòrces politiques a qui corresponerà actuar en conseqüéncia ad aguesti resultats.

Eth Debat Constituent se desvolopa en 3 fases:

Er Impuls, a on s'assolidaràn es Acòrdi Territoriaus coma plataformes d’entitats que dinamizaràn eth projècte en cada territòri e era celebracion de 7 Jornades Formatives tematiques en 7 ciutats diferentes deth país entà presentar e dar estruments entath debat de cadun des 7 encastres en qué s’estructuraràn es tematiques. Aguesta fasa finalizarà eth mes de noveme.

De març enquia juliol se desvoloparà era fasa de Debats Ciutadans participatius, era fasa troncau deth projècte a on toti poderàn exprimir era sua opinion a trauès des debats que se convòquen per tot eth territòri. Es debats compdaràn damb formularis de qüestions entà cada tèma de debat e possibles responses entà que cada participaire causisque era opcion que s’ajuste ara sua opinion. Açò permeterà tractar e quantificar es opinions exprimides. Tanben i aurà ua opcion de responsa liura.

En setembre deth 2020 se convocarà eth Fòrum Civic e Sociau que sintetizarà es resultats des Debats participatius e les presentarà solemnament en Parlament de Catalonha.